إفتح حسابك مع شركة XM  برعاية عرب اف اكس
إفتح حسابك مع تيكيمل

عمنا صلاح جاهين بيؤلكم هى كل حياتكم فوركس

fady_younan

عضو نشيط
المشاركات
627
الإقامة
egypt alexandria

xm    xm

 

 

562681712.jpg

هذا الرجل الضاحك الباكى صلاح جاهين صاحب اجمل كلام واجمل ربعيات
خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!
________________
ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!
________________
ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!
___________________
و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!


أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!
________________
يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!
__________________
أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!
________________
سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!

https://www.arabfx.net/u126
كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!
_________________
عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!
____________________
رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!
___________________
ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!







ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!
___________________
نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!
__________________
علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!
______________________
انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!






ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!
________________
يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!
_______________
شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!
________________
أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!





يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!
___________________

السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!
_____________________

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!
_______________________
سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!
https://www.arabfx.net/u126

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!
_________________

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!
____________________

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!
____________________
نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!






 

xm    xm

 

 

موضوع مميز
ولمن لا يعرف صلاح جاهين فهو شاعر ورسام وممثل مصري
توفي عام 1986 وله عدة اعمال مميزة

شكرا استاذ فادي على الموضوع
 

xm    xm

 

 

موضوع مميز
ولمن لا يعرف صلاح جاهين فهو شاعر ورسام وممثل مصري
توفي عام 1986 وله عدة اعمال مميزة

شكرا استاذ فادي على الموضوع
دكتور احمد يارافع من روحى المعنوية ربنا يخليك يارب وان شاء الله نخليها ورشة الادب والشعر لانى بصراحة بحب قراءة الاشعار للناس العمالة زى صلاح جاهين وفؤاد حداد والناس الكبيرة دية
 

xm    xm

 

 

دكتور احمد يارافع من روحى المعنوية ربنا يخليك يارب وان شاء الله نخليها ورشة الادب والشعر لانى بصراحة بحب قراءة الاشعار للناس العمالة زى صلاح جاهين وفؤاد حداد والناس الكبيرة دية

تسلم استاذ فادي
لو هتبقى ورشة ادبية يفضل انها تكون في الاستراحة لان قسم العام مخصص للفوركس والتوصيات والتحليل الفني
ام ممكن نغير اسم الموضوع : الموضوع دة ملهوش دعوة بالفوركس الموضوع صحى
الى استراحة مثلا للفوركسيين ويكون القسم الادبي والطبي والثقافي جزء منها بحيث ان القسم العام يحافظ على شكله

:wub::wub::wub:
 

xm    xm

 

 

والله يادكتور احمد اللى تشوفة حضرتك بس انا بيتهيقلى الاعضاء ولا بتنظر لباقى الاقسام فاللى انت شايفة
 

xm    xm

 

 

والله يااستاذ شريف بنحاول نخرج برا الفوركس شويا الحياة عشان تبئا حلوة لازم تبئا ناجحة من ناحية الشغل ومن ناحية الترفية ومن ناحية الهوايات فاياريت تتقبلو فكرة المواضيع المتطرفة عن فكرة المنتدى
 

xm    xm

 

 

الحياة لما تبئا ماشية فى اطار واحد كلها تبئا مملة مش كدة ولا اية
 

xm    xm

 

 

اكيد لازم نغير من وقت للتانى ومفروض بيومين الاجازة نبعد عن اى شىء يتعلق بالفوركس وكل فترة ناخد اجازة ونبعد عن السوق شوية وعن نفسى بعمل ده كتير لان وقت مابكون داخل السوق وليا صفقات شبه انى لاانام خمس ايام المتاجرة وده غير المجهود الذهنى والتركيز بالمنصة فشىء متعب جدا فلازم يكون فيه هوايات تمارس ووقت للبعد عن السوق خصوصا بالاوقات الى بيكون غير واضح السوق ويسلمو الموضوع الجميل يافادى .
 

xm    xm

 

 

شكرا جومانة اسعدنى مرورك بموضوعى المتواضع تحياتى لكى
 

xm    xm

 

 

طبعا استاذ فادي فكرة الموضوع ممتازة
والخروج من ضغط السوق مطلوب
متابع ومشارك معك بالموضوع
بالتوفيق يا غالي
 

xm    xm

 

 

من أهم أشعار جاهين رائعة (على اسم مصر)
على اسم مصر
الجزء الأول
النخل في العالي والنيل ماشي طوالي
مع***ة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
كني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
على اسم مصر
ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
والا يومين
وكان م البشر
والا طير بجناحين
نسيت حتى كان له وجود أو مالوش
لكين هو أبداً
أنا ما انساهوش
قطعوا الأغاني وطارت نشرة الأخبار
دارت على كل دار في الكوكب الدوار
يا حاضرين اعلموا الغايبين بأنه في مصر
اتغير الاسم منذ الآن فأصبح .. مصر
ضحك التاريخ ضحكته المشهور بها واندار
ودخل مناقشة مع الجغرافيا عما صار
هل نعترف بالبيان اللي أذيع العصر
أم ننتظر مصر تطرد اسرائيل بالقسر
وساعتها تحصل بكل جدارة يوم النصر
على اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر

مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر

رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب
على اسم مصر

مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر

أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن
أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول
ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه
يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك الـيم
أنا اللي اسمي حتحور انا ح امسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد
دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين
لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ
شربت انتقامـاً شربـت شربـت
وأنا بالـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي
وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض
واقول ليه يا مصـر ولادك كـده
يا إمـا المذله يا يتـجبـروا
يا خوفـي يا فـرحة قـلوب الـعدا
ويا نـدمـي لو ما يتغيـروا
ومن يـومها والنيـل في نفس المعاد
يفيض كل عام قبل فصل الخـريف
بلون حمرة الـدم يملا البلاد
ويملا النسـأيـم بعـطر مخـيف
بعطري أنا الـلي اسمي حتحور أنـا
وعـطري مخـيف وحـنون وطـري
يفـرح بس مـرة في كـل سنة
ويهمس يا مصر اذكـري .. واحـذري
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
 

xm    xm

 

 

خرجتنا من مود الشد العصبى
فكرة حلوة لكسر الملل
شكرا اخى عاطف بس لازم يحصل كدة عشان زى ماانا قلت فى مشاركات قبل كدة الحياة لما تمشى فى نمط واحد بتبئا مملة وانت عارف الفوركس بئا بينسينا كل حاجة فى حياتنا وشكرا على المرور
 

xm    xm

 

 

موضوع رائع ع يا فادي والله جه في وقته الاسبوع ه صعب جدا ولازم نغير شويه عشان الواحد دماغه ما تضربش:rofl:
 

xm    xm

 

 

موضوع رائع ع يا فادي والله جه في وقته الاسبوع ه صعب جدا ولازم نغير شويه عشان الواحد دماغه ما تضربش:rofl:
هههههههههه مظبوط كدة لازم نعمل كدة ونخرج عن رحلة الفوركس شويا
 
عودة
أعلى