تحذير من شريف خورشيد

تحذير من شريف خورشيد

يا جماعة بالله عليكم الراجل دا مش تمام و ميعرفش ربنا
لما يعمل جايزة اسبوعية وهمية 5 الاف دولار لاكتر حد يعمل شير لفيديوهاته و يشهره و تطلع في الاخر ورقة لعبة ب 2 دولار بتتباع اونلاين
يبقي راجل مش تمام

لما الاستاذ ابو ادم اشرف شريف ادمن احدى مواقع الجيران هو اللى يكتشف الخدعة دي و يعمل فيديو يحذر الناس منها
و يجى شريف خورشيد بعد سنتين يرفع عليه قضية سب و قذف عشان كشف خدعته للناس و يطلب تعويض مليون جنيه
يبقي شريف خورشيد راجل مش تمام

لما يبقي قاعد في امريكا و بيضحك علينا و علي اهل بلده المصريين و العرب يبقي راجل مش تمام

الاستاذ اشرف نزل فيديو علي صفحته بعد اول جلسة في القضية و شرح فيه الامر بالادلة و اعتراف شريف خورشيد للفائز الاول انها فعلا جايزة وهمية
و دا بعد مالاستاذ اشرف نشر فضيحته و كشفه قدام الناس

انا بستاذن ادارة المنتدى تخلى الموضوع دا موجود للجميع عشان محدش يقع ضحية لشريف خورشيد تاني
و كمان في ناس كتير جدا دخلت كتبت انها اتنصب عليها في خدمات و كاش باك منه و حذرو الناس منها
و استاذ اشرف طلب شهود اي حد عنده مشكلة مع شريف خورشيد يتواصل معاه

والله يا جماعة انا بكتب الكلام دا و الموضوع دا هنا مش اكتر من اني شايف الاستاذ اشرف معاه حق
هو رفع القضية عشان يعمل لنفسه شهرة و شو اعلامى و يخوف اي حد يكشفه و يتكلم عليه و يحذر الناس منه
و شريف خورشيد ظالم و مخادع و مايعرفش ربنا

الفيديو اهو على اليوتيوب بعد اول جلسة في القضية
القضاء المصرى بين وكلاء الفوركس .. الجلسة الاولى‬‎ - YouTube

السلام عليكم ورحمه الله وبركاته :
سبحان الله حقيقي انا مش عارف الناس ديه معموله من ايه -- اول دخولي في مجال الفوركس تقريبا كان من 5 سنين واول ناس وقعت معاهم كان البني ادم ده وفريقه هو عنده لاعبين اساسيين جدا واد اسمه احمد صقر والتاني سيد بدر والحمدلله كانت الخساره مش كتير كان 350 دولار الاول 250 ايداع علشان التوصيات وبعد كده الافندي اللي اسمه شريف كلمني في التليفون وقاللي معلش اعتبر نفسك مسجل معايا من النهارده والتوصيات حاتوصلك وعملت ايداع تاني ب 100 دولار بس وبعد كده مع السلامه ديه الحكايه باختصار الموضوع ده كان علي المنتدي القديم اف اكس حورس اللي قفلوه بعد ما ريحتهم فاحت اوي -- واخر محادثه معاهم كانت في منتهي السفاله منهم علشان كانو عاملين اعلان وصلني علي الايميل ولقيت واحد مغربي كان مبتديء زيي ولسه بيشتغلوه علشان يعمل ايداع وانا دخلت احذره وما لحقتش اكمل لقيت عصابه طالعه في نفس واحد اول حاجه اتحولت الرسايل من العام للخاص اصبحت مني ليهم بس واول رد لقيته كان عجيب جدا وده اللي خلاني اتاكدت انهم نصابين الرد كان من شريف بيقولي احنا بنعمل التوصيات للحسابات اللي ب 500 دولار وانت ب 100 دولار عايز توصيات ؟ ليه جاي بواسطه ؟؟ رغم انه هواللي كان لسه قايللي في التليفون اعتبر نفسك مسجل معايا من النهارده -- تاني رد كان من واحد طلع شتمني بس هما مسحوا الشتيمه بسرعه وظهر مكانه نقط وقالوا مسحناها ده كان واحد من الاعضاء بيحب المنتدي بعد كده كان الكلام لف ودوران ومحاوله لتشكيك في واني مش فاهم وجاهل كانو سفله سفله وعلي فكره انا مسجل كل المحادثه ديه معاهم يعني كل حاجه معايا بالدليل والتاريخ والساعه ---- بعد كده عن طريق احد المنتديات المحترمه جدا واحد دلني وقاللي قبل ما ترفع قضيه عليهم حاول تكلم استاذ امجد عطيه وقولو علي المشكله وهو راجل محترم جدا اول مره تواصلت معاه عن طريق الايميل بس ما وصلهوش حسب كلامه لغايه ما وصلني ايميل بيقوا ان الاستاذ امجد عطيه عامل لقاء مباشر للاجابه علي اسئله العملاء -- بعتلوا رد علي الايميل وقولتلوا انتم ليه بتتعاملو مع منتديان الناس القاءمين عليها غير امناء وبيستخدموا اساليب غير شريفه لجذب العملاء علشان الايداعات ؟ وصلني الرد بسرعه من الراجل المحترم استاذ امجد وقاللي ايه هو اسم المنتدي ده ومين هما الناس ديه لاننا بنقطع مع اي واحد بنكتشف انه غير امين وايه هي الحكايه وممكن رقم تليفونك ؟؟ ارسلتله كل حاجه وبعديها وصلني اتصال من الراجل المحترم استاذ امجد بعد طبعا ما شاف صور من ردهم علي في المنتدي وحقيقي كان في منتهي الذوق وقاللي خلاص انت مش تحت وكالتهم ومالهمش اي علاقه بيك واسمحلي احط في حسابك حاجه صغيره كده فاقولتلو انا مش باتكلم علشان عايز حاجه ولكن علشان توقفوا الناس اللي زي ديه -- وتفضل الراجل مشكور ولقيت في حسابي 100 دولار --- علي فكره كل كلمه قولتها دلوقتي معايا دليل بيها الصور والايميلات وكل حاجه --- وانا واخد الفوركس هوايه يعني مش مصدر رزق واي استراتيجيه او فكره بافكر فيها او اجربها باجربها علي الحساب الحقيقي ------------------------------------------------------------------------------------------- طبعا انا عرفت بموضوع القضيه اوسالت نفسي هو ليه شريف خورشيد رفع قضيه دلوقتي بعد المده ديه ؟؟
طبعا دخلت اشوف ايه الحكايه علي النت فاعرفت ليه هو رفع قضيه دلوقتي ؟؟ السسب هو ان من سنتين واكتر كان اي واحد يدخل يكتب علي جوجل شريف خورشيد او اف اكس حورس كنت تلاقي زغابه مواضيع عنهم وعن النصب اللي عملوه مع العملاء انما دلوقتي لما دخلت ادور لقيت كل ده اختفي الا الموضوع اللي عن الجايزه المزيفه اللي كانوا عاملينها فاعرفت انهم بطريقه ما قدرو يتواصلو مع اصحاب المواقع اللي فيها المواضيع ديه وبطريقه ما اتحذف كل ده اززاي الله اعلم ----
مره تانيه باقول لاي واحد مطبلاتي من عنده حايظهر يحاول يستظرف حاقولو انا كل الكلام اللي قولته ده عندي بيه دليل صور المحادثات معاهم وكمان الايميلات -------- وحسبي الله ونعم الوكيل وينتقم من اي واحد ياذي الناس في فلوسهم

معلش نسيت اقول ان في الاخر اللي اسمه شريف ده قفل الموضوع وما قدرتش اكتب تاني ----- ربنا ينتقم منهم ويريح الناس من اذاهم