إفتح حسابك مع شركة XM  برعاية عرب اف اكس
إفتح حسابك مع تيكيمل

نصب شركة نورد nordfx وبالدلائل

ahmed osama

عضو نشيط
المشاركات
66
الإقامة
مصر

xm    xm

 

 

السلام عليكم ورحمة الله وبركاته
انا حبيت احكى المشكلة اللى حصلتلى دى عشان محدش يحصله نفس المشكلة تانى مع الشركة دى .
فى يوم 14 ابريل فتحت حساب مع شركة نورد بعد ما شوفت اعلان عن بونص 55 فى المية من الشركة لكن كتشفت ان فى الاخر ان دى طريقة للنصب على الناس .

الشركة بتفتح الحسابات وتسيبب الناس تتاجر خسروا يبقى مصلحة للشركة اما لو كسبوا وطلبوا السحب الشركة بتقفل الحساب وترد راس المال وتاخد كل الارباح ولما تسال الشركة عن السبب بيقولك انك انتهكت حقوق التداول والشركة من حقها انك متعرفكش الاسباب بالظبط .
اللى حصل انى فتحت حساب مع الشركة ب 500 دولار وتم المتاجرة عليه وتحقيق ارباح 445 دولار وبعدها لقيت اكتر من شخص بيشتكى من الشركة وان هي مبقتش تنفذ طلبات السحب روحت مجرب اعمل سحب لكل فلوسى وفضلت مستنى يوم والتانى والتالت ومفيش اى رد من الشركة وكل اما اكلم الدعم يرد ردود غريبة اللى هو مرة بيقولى المبلغ كبير !! 945دولار مبلغ كبير ع شركة وبياخد وقت على ما يتسحب !! ده كده دكان مش شركة بقى . ومرة يقولولى هيتنفذ بس اصبر بعد الوقت وكل يوم بسبب شكل لحد ما فجاة لقيتهم ردولى راس المال واستولوا على كل الارباح وقفلولى الحساب . كلمت الدعم قالولى انك انتهكت اساسيات التداول والشركة ليها الحق فى عدم ابداء اى اسباب لغلق الحساب .
كلمت الدعم طلبت منه تراخيص الشركة وارقام التراخيص لقيت رد الموظفة ليه كده يا اخى وتواصل مع القسم المالى وهما هيحلولك مشكلتك ومرضيتش تدينى اى معلومات عن ده وبعد كده مبقاش فى اى حد بيرد عليا من الشركة خالص .
دى الصور اللى بتثبت كلامى
wol_error.gif
This image has been resized. Click this bar to view the full image. The original image is sized 977x443.
188310921.jpg



ومثبت فى الصور انى طالب سحب ب 945 دولار لكن فضلو يمطلوا فيه وفى الاخر رجعولى راس المال فقط وسرقوا كل الارباح .
هما بيتعاملوا بمبدا العميل خسر فلوسه يبقى خير واحنا كسبنا فلوسه انما لو كسب وجه يطلب الارباح يبقى ده عميل بيعرف يشتغل يبقى نديله راس ماله ونقفله حسابه ونمشيه من هنا ,دول عاوزين عملاء بيخسروا بس
انا كنت سكت ومعملتش حاجة لكن قررت انى مش هسيب حقى مع الشركة ومش هسيبهم غير لما اخد فوسى وهفضل افضح فى نصبهم كل يوم على جميع المنتديات وهقدى شكوى رسمية للجهات اللى تحتها تراخيص الشركة ,, هما نصبوا عليا فى 445 دولار هو الممبلغ مش كبير اه بس قصاده هخسررهم انا كمان كتير جدا هما بيصرفوا الاف الدولارات عشان يعملوا دعايا لنفسهم ويكسبوا العملاء انا من غير ما اصرف فلوس هفضحهم وهعمل عليهم حملات اكبر بكتير من اللى الحملات الدعائية اللى هما بيعملوها ,,
وياريت لو ادارة المنتدى الكريم تنزل تحذير من الشركة عشان مفيش عملاء تانيين يقعوا فى نفس المشكلة مع الشركة .
انا بقالى 5 سنين شغال فوركس عمر ما قابلنى مشكلة مع اى شركة فى السحب غير المشكلة دى وبحاول ادور على سبب انى اكون عملت حاجة غلط وتكون اتسببت فى قفل الحساب لكن ما عملتش اى حاجة اطلاقا تداول عادى جدا , لكن اللى عرفنى انى لقيت ناس كتير حصلهم نفس المشكلة دى مع الشركة واتنصب عليهم بنفس الطريقة وبكده انا نويت افضح الشركة وهفضل اعمل عليهم دعايا سلبية لمدة سنة من دلوقتى هخلى نصبهم يتصدر جميع المنتديات ومواقع الفوركس والفيس بوك وتويتر ده غير انى همشى فى طريق القانونى والشكوى برضه .
 

xm    xm

 

 

للأسف اصبحت الشكاوى من هذا النوع على الشركة كثيرة مؤخرا

والمشكلة ان هما مبيردوش على حد والناس بتروحلهم فانا مش هبطل غير لما كل العملاء العرب عندهم يسيبوا الشركة ولو يقدروا يرد عليا ياريت اشوف رد منهم
 
عودة
أعلى