إفتح حسابك مع شركة XM  برعاية عرب اف اكس
إفتح حسابك مع تيكيمل

العملات الرقمية – كل ماتريد أن تعرفه عنها (طرق الشراء – البيع – أفضل العملات)

CryptoMan

عضو جديد
المشاركات
1
الإقامة
ca

xm    xm

 

 

العملات الرقمية – كل ماتريد أن تعرفه عنها (طرق الشراء – البيع – أفضل العملات)

الموضوع هيتم فيه شرح العملات الرقمية وأفضل وأسهل طرق الشراء والمتاجرة والتحليل للعملات الرقمية لأنى لقيت ناس كتير جداً عندها الرغبة فى دخول سوق الـ Crypto لكن بتقابلهم صعوبة فى فهم السوق وفى طرق الشراء والبيع وأفضل المواقع وأأمنها فى الشراء والتعامل
فإن شاء الله هيكون الموضوع شامل لكل مايخص العملات الرقمية أو الـCrypto وهنقلكم كل الخبرة اللى عندي وكل التجارب اللى عديت عليها وهقولكم على أفضل العملات اللى تتاجروا عليها وإيه طرق المتاجرة
الموضوع هيبقى كبير وعلى مراحل فأتمني إن الكل يستفيد منه ويقدر يفيد غيره بعد كده إن شاء الله

طريقة الشراء

لازم الأول نعرف إنك عشان تشتري عملات وتتاجر فإنت مش هتقدر تشتري العملات مباشرة بالفيزا أو البنوك الإلكترونية
لازم تشتري بيتكوين أو إيثيريوم من مواقع البيتكوين والإيثيريوم وبعدين تحولهم لمواقع (منصات) العملات ومن هناك تشتري بيهم أى عملة إنت عايزهم

معنى كده إيه
إن فيه نوعين من المواقع

النوع الأول : هي المواقع اللى بتشتري منها عملات الأساس اللى هنتداول بيها بعد كده وهما البيتكوين أو الإيثيريوم
وأفضل موقعين أتعاملت معاهم هما

1. موقع Coinmama

وده رابط الموقع
www.coinmama.com

ميزة الموقع إنه بيتعامل بالفيزا أو الماستركارد فبالتالى لو عندك فيزا أو ماستركارد فهيكون من السهل إنك تستخدمهم فى عمل إيداع من خلال الموقع وده بيكون أسرع من عمليات التحويل البنكي بكتير

2. موقع SpectroCoin

وده رابط الموقع
https://spectrocoin.com

ميزة الموقع إنه بيتعامل بالفيزا أو الماستركارد بالإضافة للبنوك الإلكترونية ده غير إنه بيقبل تحويل بنكي
عيب الموقع إنه بيتأخر فى تفعيل الحساب

بعد مابنشتري من المواقع ديه بيتكوين أو إيثيريوم بنبتدي نبعتهم لمنصات التداول اللى هنتداول عليها (النوع التاني)

النوع التاني : هي منصات التداول – والمنصات ديه هي اللى بنستخدمها فى التداول (شراء وبيع العملات) وبتكون عملة الأساس عندنا هي الإيثيريوم أو البيتكوين
فيه منصات كتير على الإنترنت هذكرلكم أفضل وأأمن المنصات

1. موقع Binance

وده رابط الموقع
www.binance.com

مميزات الموقع إنه بيشتمل على معظم عملات الكريبتو بالإضافة لإن عمولة التحويل صغيرة جدا ويعتبر أقل موقع فى العمولة بالإضافة لإنك تقدر تسحب من رصيدك فى الموقع لحد 2 بيتكوين من غير تفعيل الحساب

2. موقع Bittrex

وده رابط الموقع
Bittrex.com - Bittrex, The Next Generation Digital Currency Exchange

واحد من أأقدم مواقع وأشهر مواقع الكريبتو
مميزاته إنه عمولة تحويله صغيرة لكن عيبه إن التفعيل بتاعه بياخد وقت بيوصل لشهر فى بعض الأحيان

لازم نعرف إن كل مواقع الكريبتو بتحتاح لتفعيل والمقصود بالتفعيل هو إنك بترسل أوراق بتثبت شخصيتك والإجراء ده يعتبر إجراء وقائي بتتبعه المواقع منعاً لسوء الإستخدام لعملات الكريبتو زى غسيل الأموال والدعارة والسلاح والمخدرات ..... إلخ

إن شاء الله فى البوستات الجاية هشرحلكم إزاى بنفعل الحساب بالصور وإزاى بنعمل عملية إيداع بإستخدام الفيزا وإزاى بعد مانشتري العملة بنحولها لموقع المنصة وإيه هي المحافظ وإزاى بنستخدمها وإزاى بعد كده بنتاجر فى المنصات بالشراء والبيع وإيه الطرق اللى بنستخدمها فى التجارة وإإزاى بنحلل العملات وإيه أفضل العملات الموجود حاليا للإستثمار وأخيراً إزاى تقدر تشتري محفظة هاردوير تنقل عليها العملات اللى إنت إشتريتها

ولحد البوست الجاي تقدروا تسجلوا فى المواقع اللى ذكرتها وتبتدوا تبصوا عليها وتشوفوا المنصات الموجودة وتاخدوا خلفية قبل مابتدي أشرح إن شاء الله.

وأى حد عنده أى إستفسار أنا فى الخدمة إن شاء الله
 

xm    xm

 

 

شكرا لك
ماذا عن موقع coinbase

وايضا ماذا بخصوص تعلق الكثير من المعاملات
والتى بدأت تبرز مؤخراً؟ (قريب 150 الف معامله معلقه ولم يتم تأكيدها)
 

xm    xm

 

 

هناك الكثير من الجدل حول هذه العملات ولكن لا يمكنني البدء في التداول بعد، ما زلت متردداً قليلا.
 
عودة
أعلى