أهلا وسهلا بك إلى منتديات عرب فوركس.
منتديات عرب فوركس
 

 



المنتدى التعليمي للفوركس يختص هذا القسم في تقديم الدروس الهامة و المقالات والكتب والمواد التعليمية لسوق الفوركس ، دروس ، شروحات ، كتب ، مقالات .


ما هو نظام ال pamm فى الفوركس

المنتدى التعليمي للفوركس


إضافة رد
 
أدوات الموضوع
  #1  
قديم 08-25-2019, 04:52 AM
الصورة الرمزية donya
donya donya متواجد حالياً
عضوخاص
 


افتراضي ما هو نظام ال pamm فى الفوركس

 

          ما هو نظام ال pamm فى الفوركس         ما هو نظام ال pamm فى الفوركس

 

 

 

ما هو نظام ال PAMM فى الفوركس

ما هو نظام ال PAMM ؟

هو اختصار ل Percentage Allocation Management Module

و يعرف ايضا اختصارا ل Percentage Allocation Money Management


الحقيقة فكرة البام هى سهلة جدا و لتبسيطها انا هطرح مثال ... انا كتاجر معنديش الوقت الكافى او الخبرة انى ادير حسابى بدل ما ادور على مديرين حسابات على الفايسبوك يديرو حسابى و انا خايف من مصداقيتهم فى الربح
فى حل بسيط جدا انا محتاج تاجر او مدير حسابات يكون هو بيدير حسابة الفعلى الحقيقى و انا اكون معاة فى راس المال بردو فى ال POOL... المهم ان فلوسة و فلوسى مع بعض على المكسب و الخسارة
فى اشاعات عن ناس بتمرجن حسابات الفوركس و ما الى اخرة لانها مش حساباتهم او فلوسهم و طبعا المشاكل بتيجى من هنا
و بردو مننساش انة فى مديرين ناجحين جدا و بيديرو حسابات و اصحاب الحسابات بيضحكو عليهم و مش بيخدو فى الاخر عمولتهم
كده يبقى الاتنين فى بعض الحالات مظلومين من بعض بردو .. الحل فين ؟؟؟ انك كتاجر مبتدا ادخل مع مدير كويس


هنا بقا المعادلة للطرفين يعنى انا(الطرف الاول ) كتاجر مبتدى اخترت التاجر/المدير دا يديرلى حسابى و هستفاد انة لما يكسب يتوزع المكسب علينا و لما يخسر تتوزع الخسارة بردو علينا ... و ساعتها انا مش محتاج اكلمة على الفون وكمان اسالة عمل كام النهاردة ليا او اى حاجة ... هو بيدير حسابه هو الفعلى و كمان اكتر واحد هدفة المكسب دا علشان يدير حسابات لناس تانية و كمان ا الPAMM منشور على الملاء كدا يعنى لو مرجن الاكونت كل المستثمرين مش هيثقو فية ... يعنى متراقب طيب انا (طرف تانى)كتاجر محترف / مدير حسابات حقى محفوظ لانى باخد نسبة معلومة و كمان التاجر (الطرف الاول ) موقع على Limited Power of Attorney و كمان التاجر (الطرف الاول ) بيحد النسبة اللى عاوز يخاطر بيها مع المدير


كدا بنظام ال PAMM حلينا مشكلة ان المدير دا نصاب او المدير دا مرجن اكونتة و بيحاول يلم فلوس من الناس او ان المدير دا مش قادر يكسب لنفسة و عمال يجرب فى حسابى و حلينا مشكلة انى خايف كمدير او كتاجر محترف ان صاحب الاكونت فى اخر الشهر ميدنيش عمولتى بعد تعب و شقا لمدة شهر او اتنين تعالى نشوف مثال عملى من الافضل

مثال عملى على ال PAMM

نظام الفوركس


تعالى نقول انة فى 3 تجار و اختارو المدير و هو ماركوس علشان يدخلو معاة فى ال POOL

نظام الفوركس


كدا ماركوس حسابة 5000$ و دا المدير خلى بالك الباقى هم التجار اللى عاملين معاة ال pamm
بول حسابة = 4000$ نقسمة على القيمة الكلية 15000$= 26.67 % و دى نسبتة بيتر هيطلع نسبتة = 23.33%
فيل =16.76%
ماركورس و هو المدير =33.33%
كلام جميل جدا تعالو بقا نفترض ان الحساب و المدة الزمنية لحساب الربح او الخسارة هتكون شهرية المدير ماركوس وصل لربح على الدايرة اللى قدامنا حوالى 30% من المجمل يعنى من الاخر كدا وصل الكل ل 19500$
(جت ازاى 15000 +30% 4500)
مكسب الحسابات كلها وصل 4500$ ربح كويس جدا ..علشان ماركوس هو المدير بياخد 10% من الربح اول حاجة يعنى ماركوس هياخد 450$ و يبقى الربح الصافى وصل ل 4500-450= 4050$
دلوقتى تعالو نقسم علطول كدا و كل واحد على حسب نسبتة من الدايرة (pool)
الاول بول كانت نسبتة 26.67% يبقى هياخد $4,050 * 26.67% = $1,080
التانى بيتر كانت نسبتة 23.33% يبقى ياخد $4,050 * 23.33% = $945
التالت فيل كانت نسبتة 16.67% يبقى هياخد $4,050 * 16.67% = $675 الرابع ماركوس المدير كانت نسبتة 33.33% يبقى هياخد
= $4,050 * 33.33% = $1,350

مثال مستوى اعلى على ال pamm

تعالى نعلى شوية اللعب و ركز معايا فى ال pool دا شوية التجار التلاتة مبسوطين من عم ماركوس و قررو يكملو معاة بس هم كمستثمرين قام اتنين منهم قالو احنا مش هنسحب و التالت عمل سحب للمكسب و ساب راس المال الاساسى . و بيتر جايب صاحبة بيك كمان يدخل معاهم فى pool و فى مستثمر تانى اسمة بام دخل معاهم فى ال pool بجد تعالى بقا نشوف ال pool دا ازاى دلوقتى دلوقتى حجم ال POOL وصل ل 22.000$
بول نسبتة 23.09%
بيتر نسبتة 20.20%
فيل نسبتة 11.36%
ماركوس (المدير ) نسبتة 28.68%
بيك نسبتة 11.93%
بام نسبتة 4.55%
ماركوس المدير بردو مدير خبرة قام ظابط نفسة فى الادارة شوية و عمل 15% من ال 22.000$ حوالى كدا 3.300$ دولار تعالو نقسم بقا الارباح
اولا .. نسبة ماركوس فى الادارة من الليلة دى كدا هى ال 10% يعنى حوالى 330$ يبقى صافى الربح لل POOL بيكون 2970$ يتوزعو على الكل بنفس النسب اللى ابتدى عليها ال POOL
ثانيا .. التقسيم بالنسب

بول:نسبتة 23.09% يبقى مكسبة 23.09%*2970=685.80$

بيتر : نسبتة 20.20% يبقى مسكبة 20.20%*2970=600.08 $

فيل: نسبتة 11.36% يبقى مكسبة 11.36%*2970=337.50$

ماركوس (المدير ): نسبتة 28.68% مكسبة 857.25$

بيك(صاحب بيتر) نسبتة 11.93% مكسبة 354.38$

بام (مستثمر جديد ) نسبتة 4.55% مكسبة 135$

كدا راس مال ال POOL وصل للاجمالى 24.970$

عند الخسارة مدير الحساب ملوش اى نسبة يتم اقتطاعها( فى حالة الربح كان لية 10% من اجمالى الربح ) و دا اكبر حافز انة يحاول يعمل مكسب
ثانيا: ال POOL كان 24.970 $ و خسر 20% يعنى 4994$
يبقى و صلو ل 19.976$ طيب اية اللى هيحصل دلوقتى ؟ هل ماركوس هيشيل الليلة ؟ و لا هما زى ما كانو بياخدو من الرح بردو هينقصو فى الخسارة العدل هنا الخسارة تتقسم بردو بنفس النسب فى ال POOL و الكل يخسر 20% من حسابة بول $5,765.8 - 20% = $4,612.64
بيتر $4,036.06
فيل $2,270.00
ماركوس $5,765.80
بيك $2,383.50
بام $908.00
كدا البول وصل ل 19.976 $ و بداية الشهر الرابع . و جميع المستثمرين ليهم الحرية انهم يكملو او يشاركو بجزء من مالهم او حتى يسيبوة و يدورو على مدير او تاجر تانى او يسحبو فلوسهم


اية هو دور البروكر فى الموضوع دا ؟

1/ بيقدم منصة خاصة امنة و حقيقة و قوية لمديرين المحافظ و المستثمرين
2/التسهيل على المديرين لكل النشاطات التجارية داخل التداول المسموح بها طبقا للوائح
3/ السهولة فى المحافظة على سرعة السحب و الايداع و الاستراك او الخروج من ال POOL
4/ لانة بيزنس عادى و ادارة الحسابات بيخلى الPOOL بتاعة على العام و الكل شايف الاداء العام لية ... بمعنى اصح انة حسابك خاص بيك انت و محدش يعرف انك كسبان او خسران و لكن فى ال PAMM بيكون على الملاء و بيكون فى قياس اداء من حيث الربح و الخسارة و الدرو دون و كل حاجة خاصة بال PAMM


بالنسبة للتجار/ المستثمرين
اهم شى انهم متحملين الخسارة او المكسب من مدير الPOOL هى مش حظ و لكن ليها قواعد و اسس انك بناءا عليهما هتختار مدير ال PAMM



بالنسبة لمديرين ال PAMM
1/ ليه الحق فى الموافقة على المستثمرين الجدد او ؤفض دخولهم لل POOL اللى بيديرو
2/ لية الحق فى تحديد الحد الادنى او الحد الاقصى للمشاركة فى ال POOL من المستثمرين
3/ لية الحق فقط فى ادارة المال المربوط على ال POOL من الممكن متداول حسابة 10.000$ و قرر انة يشارك فى ال PAMM على 5000$ فقط لا غير و بالتالى مدير البام ميقدرش يدير ال 10.000$ و لكن ال 5000$ فقط


ملاحظة / مفيش اى مدير كل شهر بيكسب افهم انها رزق و تجارة و لكن لو العائد التراكمى ربح يبقى ناجح لو العائد التراكمى خسارة يبقى محتاج تطوير


المقال منقول لافادة الاعضاء

 

 

 

إذا أعجبك الموضوع قم بنشره

رد مع اقتباس
إضافة رد

الكلمات الدلالية (Tags)
pamm, الفوركس, نظام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:18 AM

جميع مايطرح في المنتدى لا يعبر بالضرورة عن رأي إدارة المنتدى وإنما يعبر عن رأي كاتبه لذلك تخلي إدارة المنتدى مسؤوليتها عما يطرح فيه من آراء وتوصيات كما ونحذر الأعضاء من مديري الحسابات ونخلي مسؤليتنا من اي اتفاق بين الأعضاء لإدارة الحسابات
 

منتديات فوركس , توصيات فوركس , فوركس , سوق العملات , تداول العملات , تعلم الفوركس , الأسهم السعودية , عملات , بورصات, بورصة, اسعار العملات, تحويل عملات , تداول , fxdd , fxcm , stocks ,fxpro, swissquote,xm,xm.com, إكس إم ,إف إكس برو , سويسكوت , تيكميل , tickmill ,Saudi Forex,currency , arabfx

 
 
site
stats